Dili kinahanglang imbitaron si Rodolfo Lozada Jr, ang "star witness" sa naunsyaming NBN-ZTE, dinhi sa Archdiocese sa Sugbo.
Mao kini ang gibutyag ni Arsobispo Kardinal Vidal.
Matud pa sa Kardinal, ang mga Sugbuanon intelehente ug nakasabot na sa storya ni Lozada ug dili na kinahanglang balikon pa kini. Dili usab siya kinahanglang abi-abihon isip bayani.
Si Lozada motambong sa usa ka kalihukan sa University of San Carlo karong Marso 17.
Ang gi-apas karon sa Archdiocese sa Sugo mao ang kamatuoran ug katin-awan sa mga isyung kontrabersyal karong panahona, dugang sa Kardinal.
Iya usab nga gibutyag ang pagbisita ni Presidential Management Staff Director General Cerge Remonde, usa ka Sugbu-anon, nga nihatag usab sa panig sa kagamhananan sa maong kontrabersya.
Dala ni Remonde ang usa ka basahon nga "Praymer sa NBN-ZTE;" aron paghatag ug dakong panglantaw sa maong negosasyon ug ang kalambigitan ni Lozada, kanhi NEDA Romulo Neri, kanhi COMELEC tsirman Benjamin Abalos ug si Jose "Joey" de Venecia III.
