By Rey Anthony Chiu
Philippine Information Agency
Wala magtuo ang National Wage and Productivity Board (NWPB) nga ang gipaabot nga pagtaas sa suholan sa mga minimum wage earners sa Hunyo makahatag ug dautang epekto sa mga negosyo samtang magdugang sa pagtaas sa inflation rate.
Una na nga gikahadlokan sa mga ekonomista nga ang pagpatas sa suholan sa mga nag-sweldo ug inadlaw maoy maka-ingon sa halapad nga pagpamapha sa trabaho o ba hinuon sa permanente nga pagpang sira sa mga negosyo.
Gipaabot nga sa sunod buwan, ipatuman na ang pagtaas sa suholan sa mga minimum wage earners, ug matud sa ni Labor Secretary Marianito Roque.
Mituo ang NWPB nga dyutay ra ang epekto niini sa mga negosyo kay 2.7M ra ang mga minimum wage earners sa nasud.
Sa usa ka pagtuon sa National Economic and Development Authority (NEDA), ang across-the-board wage increases ang may delikado nga epekto sa mga negosyo.
Gibanabanan nga halos 9 milyones ka trabahante ang mataktak sa trabaho kon may across-the-board wage increase nga ipatuman.
Dugang pa, kasamtangan pa nga gituki sa mga regional wage boards ang hisgutanan sa pagtaas sa suholan ug, dugang ni Roque, labing dugay na ang Mayo 15 nga mahipno sa RWBs ang tanan.
Nagkinahanglan pa usab og laing 15 ka adlaw alang sa pagpatik sa pahibalo diha sa nasudnong mantalan sa dili pa kini ipa-tuman, ni Sec. Roque pa.
--
FREE 2GB Online Back-up: http://mozy.com/registration/free?ref=3f9a896b&kbid=39418&m=16
No comments:
Post a Comment