Davao City Water Issue

April 12, 2010 

 

BOARD OF DIRECTORS AND MANAGEMENT

Davao City Water District

Bajada, Davao City 

Dear DCWD Board and Mgt., 

Kalinaw! 

Kami nagasulat kaninyo isip grupo nga nag-uban kaninyo sa pagbabag sa proyekto sa Hedcor diha sa sapa sa Tamugan-Panigan ug sa pagpasabot sa kadaghan sa paghatag ug prioridad sa paggamit sa tubig sa Tamugan-Panigan isip ilimnon sa dakbayan, dili sa enerhiya. 

Nagkauban kita ug nag-inunongay alang sa usa ka multi-sectoral nga kalihukan aron batukan ang plano sa Hedcor sa Tamugan-Panigan River. Gisagubang ang kainint sa adlaw, kagutom ug bisan asa kita miduol aron mohangyo sa ilang suporta kay lagi dili kita mosugot nga among-amongan ang tinubdan sa tubig nga mao ang naghatag ug kinabuhi sa tanang nilalang. Daghan gyod kita ug na-agian nga kalisod. 

Apan dako ang among kahikuhat ug natingala kami sa dihang migula sa mga mantala-an ang inyong pagkasabot sa Hedcor aron maundang ang bangi taliwala kanila ug sa DCWD. Dili kami mopugong sa inyong desisyon basta dili lang madehado ang katawhan ug kinaiyahan, apan gamay nga respeto lang unta sa mga sector nga inyong "gigamit" aron babagan ang Hedcor. Simpleng konsultasyon lang unta una ang final agreement ninyo sa Hedcor. Nag-uban god ta sa kalisdanan, unta sa kalamposan pod magkuyog ta. 

Nahiubos gyod kami kay mora lang mi og potos nga gibiyaan sa daplin kay nakita na ninyo ang kahayag luyo sa kangit-ngit. 

Busa aron dili molawom pag-ayo ang kahiubos sa mga sector nga inyong "gigamit", ma-ayo tingali nga mopatawag ang DCWD ug usa ka multi-sectoral forum aron didto iyag-yag ang mga pagbati nga may garas sa kahiubos aron pod mahibalik ang maayong relasyon taliwala sa DCWD ug sa mga stakeholders. 

Nanghinaot kami sa inyong aksiyon. Daghang Salamat 

 

Kaninyo matinahuron, 

 

KAWAL TUBIG

    * Boy Deduro (Fisherfolk sector)

    * Tom Villarin (SIMCARRD)

    * Lia Jasmin Esquillo (IDIS)

    * Atty. Mon Salas (Saligan)

    * Dr. Jean Lindo (KAABAY)

    * Dags Magaway (MAAS)

    * Anita Morales (METSA)

    * Atty. Jenny Ramos

    * Norma Javellana (Brgy. Maa Federation of Homeowners Asscn, Inc)

    * Akbayan

    * FDC