Subay sa sugyot sa mga Obispo, gipapas na ni Presidente Gloria Macapagal-Arroyo ang kontrobersyal nga Executive Order No. 464 samtang iyang gi-aghat ang mga opisyales sa pagsubay sa Konstitusyon ug sa mga kasandigang balaod kon dapiton sila sa mga imbestigasyon sa Kongreso.
Tungod niini, wala nay rason pa ang mga opisyales sa pagpalta sa mga panuku-duki sa mga magbabalaod.
Hinuon, ang mga ma-imbetahan sa mga imbestigasyon mahimong mogamit sa ilang mga katungod subay sa Konstitusyon ug sa mga balaod nga napanday na kon matawag sa mga inquiries, dason sa Presidente.
Didto sa usa ka espesyal nga tigum sa Malakanyang uban sa nahulma nga legal team ug sa mga sakop sa Catholic Bishops Conference of the Philippines, gibutyag ni Presidente ang kalambuan kabahin sa pagtukas sa EC 464.
Kahinumduman nga mipahulma si Presidente Arroyo og legal team aron tun-an ang sugyot sa mga Obispo sa pag-papas sa natumbok nga EO.
Una nga gimugna sa Presidente and EO 464 aron kuno panalipdan ang katungod ug dignidad sa mga opisyales gikan sa pang-insulto atul sa mga hearings.
Niini, matud ni Presidential spokesperson Ignacio Bunye, "Sama kanatong tanan, ang Presidente usab buot nga mogawas na ang kamatuoran, sama nga siya nangandoy usab nga mopatigbabaw na ang hustisya ug kaangayan alang sa nasud," hinungdan sa pagpapas sa EO 464. (rachiu/PIA)
--
Top Web Host Best Webhosting:
www.lunarpages.com/id/websbesthost
No comments:
Post a Comment