Kini maoy ideya sa usa ka dean sa San Beda College nga si Fr. Ranhillio Callangan Aquino samtang iyang gisaway ang mga senador kinsa mipatuo nga walay gidapigan sa ilang imbestigasyon sa NBN.
Si Aquino, kinsa dean sa Graduate School of Law sa San Beda College mibutyag nga ang mga senador nga nag-imbestigar sa kontrobersya sa National Broadband Network (NBN) unta magpadayag sa mga detalye sa walay pagdapig kay sila may maghukom niiini.
Matud niya sa iyang position paper nga gi-ulohan og Why I Cannot and Will Not Support Calls for the President's Resignation, kon nanawagan ka sa pagkaplag sa kamatuoran ug sa samang paagi, gisyagit mo ang pagluwat sa katungdanan sa Presidente, dili ka na katuohan pa.
Pasabot niya, kon sa imong pagpangita sa kamatuoran, wala ka pay kasayuran kon may sad-an ba, may rason ka ba nga manawagan sa pagluwat?
Giangkon niya nga ang testimonya ni Rodolfo Lozada sa Senado puno sa mga detalye, apan wala kini bisan gamay nga pahayag nga nagtumbok batok sa Presidente.
Kon may palabtik nga may kalabutan ang Malakanyang sa kasabutan, ang palabtik dili madawat isip ebidensya.
Sumpay niya, ang panawagan sa mga senador sa pagluwat sa Presidente kinahanglan ngagsukad sa usa ka moral nga kasegurohan.
No comments:
Post a Comment